بلوچستان میں شہید ہونے والے کیپٹن حیدر عباس فوجی اعزاز کے ساتھ سپرد خاک

پاک فوج کے شعبہ تعلقات عامہ (آئی ایس پی آر) کے مطابق کور کمانڈر کراچی لیفٹیننٹ جنرل محمد سعید شہید کیپٹن کی نماز جنازہ میں شریک ہوئے جبکہ پاک کے افسران سپاہیوں، شہید کے عزیز و اقارب بڑی تعداد میں نماز جنازہ میں شریک ہوئے۔

آئی ایس پی آر کا کہنا ہے کہ شہید کیپٹن حیدر عباس ایس ایس جی افسر تھے، شہید کیپٹن حیدر عباس کو پورے فوجی اعزاز کے ساتھ سپرد خاک کیا گیا۔

یاد رہے اس سے قبل پاک فوج کے شعبہ تعلقات عامہ (آئی ایس پی آر) کی جانب سے جانب سے جاری کردہ بیان کے مطابق دہشت گردوں کی موجودگی کی انٹیلی جنس اطلاعات پر بلوچستان کے علاقے کوہلو میں سیکیورٹی فورسز نے آپریشن کیا۔

 آئی ایس پی آر کے مطابق  20 فروری کو کئے گئے آپریشن میں سیکیورٹی فورسز کے علاقے کو گھیرے میں لیتے ہی دہشت گردوں نے فائرنگ شروع کر دی ، دہشت گردوں کے ساتھ فائرنگ کے شدید تبادلے میں کیپٹن حیدر عباس شہید ہوئے۔