وفاقی دارالحکومت میں اسٹریٹ کرائم بڑھنے لگے،  ایک گھنٹے میں چار وارداتیں

تفصیلات کے مطابق  اسلام آباد میں ایک گھنٹے میں سٹریٹ کرائم کی چار وارداتیں ہوئیں ہیں ، تھانہ کھنہ اور شہزاد ٹاون کے علاقے ملزمان لوٹ مار کر کے فرار ہوگئے ہیں ،  تھانہ کھنہ کے علاقے میں مسلح ڈکیتی کی واردات ہوئی ،تین ڈاکو شہری سے موبائل فون اور پرس چھین کر فرار ہوگئے ہیں ۔

سروس روڈ نیو شکریال ملزمان موبائل فون چھین کر فرار ہوگئے جبکہ بلال ٹاون سے کار سوار ملزمان شہری سے پرس اور موبائل فون چھین کر فرار  ہوئے ہیں۔ تھانہ شہزاد ٹاون کے علاقے سے چور گاڑی کے ٹائر کھول کر لے گئے۔ وفاقی پولیس نے تفتیش شروع کر دی ہے۔