محکمہ داخلہ سندھ نےکورونا ایس او پیز سے متعلق نئے احکامات جاری کردیئے

تفصیلات کے مطابق محکمہ داخلہ سندھ نے اس حوالے سے نوٹیفکیشن جاری کردیا ہے۔نوٹیفکیشن کے مطابق  سندھ میں 500افراد پر مشتمل انڈور تقریبات کی اجازت دی گئی ہے ،  ان تمام افراد کا ویکسی نیٹڈ ہونا ضروری ہے، جبکہ  آؤٹ ڈور تقریبات میں مکمل ویکسی نیٹڈ افراد کی شرکت کی اجازت دی گئی ہے۔

 نوٹیفکیشن میں کہا گیا ہے کہ  ریسٹورنٹ اور ہوٹلوں میں انڈور اور آؤٹ ڈورکھانے کی اجازت ہوگی، جمز، سینیما، مزارات، پارکس اور اسپورٹس کلب مکمل کھولنے کی اجازت  ہوگی،پبلک ٹرانسپورٹ میں ویکسین شدہ 80 فیصد مسافروں کو سواری کی اجازت ہوگی۔

 نوٹیفکیشن کے مطابق   28 فروری تک پبلک ٹرانسپورٹ میں کھانے دینے پر پابندی ہوگی،  تعلیمی ادارے کورونا ایس او پیز پر مکمل کھولنے کی اجازت ہوگی،  کاروباری مراکز پر وقت کی پابندی ختم، ایس او پیز پر عمل کرنا ہوگا،  دفاتر میں ویکشن شدہ ملازمین کو 100 فیصد حاضری کی اجازت دے دی گئی ہے۔