پشاور : سی ٹی ڈی کی پشاور میں دو مختلف کاروائیاں، 2 دہشتگرد گرفتار

تفصیلات کے مطابق کاونٹر ٹیررزم ڈیپارٹمنٹ (سی ٹی ڈی ) نے  پشاور میں دو مختلف کاروائیاں کی ہیں۔سی ٹی ڈی کے مطابق آرمی پبلک سکول پر حملے میں ملوث دہشت گرد جان ولی گرفتار کرلیا گیا ہے ، دہشت گرد جان ولی کو کارخانو سے حراست میں لیا گیا  ہے، گرفتار دہشت گرد جان ولی اے پی ایس حملے میں ملوث تھا ۔

 سی ٹی ڈی  نے  دوسری کاروائی میں بھتہ خور حماد اشرف کو گرفتار کیا ہے،  بھتہ خور دہشت گرد حماد اشرف کو پجگی روڈ سے حراست میں لیا گیا ،  دہشت گرد حماد اشرف نے پجگی کے رہائشی محمود خان سے 60 لاکھ روپے بھتہ کا مطالبہ کیا ۔

سی ٹی ڈی کا کہنا ہے کہ  گرفتار دہشت گردوں سے سنسنی خیز انکشافات متوقع ہیں ۔