یوکرین روس تنازع : برطانوی وزیراعظم نے روس پر پابندیوں کا اعلان کردیا

تفصیلات کے مطابق برطانوی وزیراعظم بورس جانسن نے روس پر پابندیوں کا اعلان کردیا ہے۔ غیر ملکی خبر رساں ادارے کے مطابق   برطانوی وزیر اعظم بورس جانسن نے روس کی جانب سے مشرقی یوکرین میں فوج بھیجنے کے حکم کے بعد پانچ روسی بینکوں اور تین ارب پتیوں کے خلاف پابندیاں عائد کرنے کا اعلان کیا۔

بورس جانسن نے کہا کہ  برطانیہ نے روس کے 5بینکوں پر پابندیاں لگادی ہیں، روس کے 3دولت مند افراد کے اثاثے بھی منجمد کردیے جائیں گے اور انہیں برطانیہ کا سفر کرنے سے روک دیا جائے گا۔ انہوں نے ممبران پارلیمنٹ کو بتایا کہ برطانیہ کو اب "ایک طویل بحران کے لیے خود کو تیار کرنا" چاہیے۔