ملتان سلطانز کے ٹم ڈیوڈ بھی کورونا وائرس میں مبتلا 

تفصیلات کے مطابق ذرائع کا کہنا ہے کہ دفاعی چیمپئن ملتان سلطانز کے غیرملکی کھلاڑی ٹم ڈیوڈ کا کورونا ٹیسٹ مثبت آ گیا ہے ، معمول کے مطابق ہونے والی پی سی آر ٹیسٹنگ میں ان کا رزلٹ مثبت آیا ہے ۔

اس سے قبل کمنٹیٹرز ڈینی موریسن اور عروج ممتاز کا بھی کوویڈ ٹیسٹ آیا تھا ۔ 

ذرائع کے مطابق ملتان سلطانز کے سیکورٹی کنسلٹنٹ کا بھی کوویڈ پازیٹو آ چکا ہے  تاہم ملتان سلطانز کی ٹیم مینجمنٹ نے ٹم ڈیوڈ کے کورونا سے متعلق تصدیق یا تردید نہیں کی ہے۔

خیال رہے کہ اس سے قبل پشاور زلمی کے تین کرکٹرز اور ایک اسپورٹ اسٹاف کے رکن کا بھی کوورونا مثبت  آ چکا ہے۔ 

یاد  رہے کہ  پاکستان سپر لیگ (پی ایس ایل) سیزن 7 کا کوالیفائر میچ آج دفاعی چیمپئن ملتان سلطانز اور لاہور قلندرزکے درمیان کھیلا جائے گا ۔