وزیر دفاع پرویز خٹک نے اپوزیشن پر ہارس ٹریڈنگ کا الزام لگادیا

وزیر دفاع پرویز خٹک  نے پارلیمنٹ ہاوس میں میڈیا سے گفتگو کرتے ہوئے کہا کہ  جو ممبر پی ٹی آئی اور  وزیراعظم کے خلاف ووٹ ڈالے گا وہ نااہل ہوجائے گا،جب ممبر نااہل ہوگا تو یہ اعتماد کا ووٹ نہیں لے سکیں گے، اپوزیشن کو کہنا چاہتا ہو ں،کہ ہم سوئے ہوئے نہیں،  اتنا آسان نہیں کہ ہمارے خلاف تحریک عدم اعتماد لائے۔

پرویز خٹک نے کہا کہ تحریک عدم اعتماد کا ڈرامہ بنا ہواہے، اپوزیشن سے ڈبل ہم تیار ہے،   کوئی تحریک عدم اعتماد نہیں آرہی،  صرف لوگوں کو دھوکہ دے رہے ہیں، کوئی ان ہاوس تبدیلی نہیں آرہی، ہم اپنے ممبران کے ساتھ رابطے میں ہے،  ہم نے اپنی تیاری کی ہے، ہر چیز کے لئے تیار ہے۔

ان کا مزید کہنا تھا کہ  وزیراعظم عمران خان پانچ سال مکمل کرینگے، ہمارے اتحادی ہمارے ساتھ ہے،  اپوزیشن جو مرضی کرلے، تحریک عدم اعتماد ناکام ہے اور رہے گی۔