روس کی بحری افواج نے بھی یوکرین پر حملہ کر دیا

ماسکو :  روس کی جانب سے یوکرین  پر حملہ کر دیا گیا ہے ، روس کی فضائی فوج  یوکرین کے مختلف حصوں پر رات گئے سے بمباری کر رہی تھی مگر اب روس کی بحری افواج نے بھی یوکرین پر دھاوا بول دیا ہے ۔

روس کی وزارت دفاع کے مطابق روسی بحریہ کی جانب سے بلیک سی میں  یوکرین کی ائیر بیس پر میزائل حملہ کیا گیا ہے ۔  روسی وزارت  دفاع کاکہنا ہے کہ ہم نے یوکرین کے ائیر بیس اور ائیر ڈیفنس سسٹم کو ناکارہ کر دیا ہے ۔

روس کی وزارت دفاع کے مطابق یوکرین کے شہری علاقوں کو ہم  سے کوئی خطر نہیں ، ہمارا ہدف صرف یوکرین کے فوجی اڈے اور دفاعی تنصیبات ہیں ۔

واضح رہے کہ روس نے گزشتہ رات گئے یوکرین پر حملہ کیا ہے  ، یوکرین کے دارالحکومت کیف سمیت  دیگر علاقے روسی طیاروں کی بمباری سے گونج رہے ہیں ۔