پولینڈ میں پاکستانی سفارتخانے کا اہم اعلان

پولینڈ میں پاکستانی سفارت خانے نے ٹوئٹ کیا ہے کہ پاکستانی شہری 15 روز کے اندر بذریعہ زمینی راستہ یوکرین سے پولینڈ میں داخل ہو سکتے ہیں۔

سفارت خانے کے مطابق ان تمام افراد کیلئے کووڈ 19 کی پابندیاں اور ویکسینیشن کی شرط بھی معطل کردی گئی ہے۔

pic.twitter.com/eWcpktW5HU

— Pakistan Embassy Poland (@PakinPoland_) February 25, 2022

دوسری جانب حکومت پاکستان نے قومی ایئرلائن پی آئی اے کو یوکرین میں پھنسے پاکستانیوں کو فوری وطن واپس لانے کی ہدایت کردی۔

پاکستانی سفارت خانے نے یوکرین میں موجود پاکستانیوں کو پولینڈ کی سرحد پر پہنچنے کی ہدایت کردی۔

ذرائع کے مطابق پی آئی اے نے بوئنگ 777 طیارہ یوکرین میں پھنسے پاکستانیوں کو وطن واپس لانے کے لئے مختص کردیا، پروازوں کے شیڈول کا اعلان جلد کردیا جائے گا۔