شاہین کی جیت میری جیت ہے : محمد رضوان 

تفصیلات کے مطابق سماجی رابطے کی ویب سائٹ ٹوئٹر پر ایک پیغام میں ملتان سلطانز کے کپتان محمد رضوان نے اپنی ٹیم کو پورے ٹورنامنٹ میں بہترین کارکردگی دکھانے پر مبارکباد دی۔ 

” گرتے ہیں شہسوار  ہی میدان جنگ میں”  کے عنوان کے ساتھ انہوں نے لکھا کہ ملتان سلطانز نے چیمپئنز کی طرح کھیلا،  ہمیشہ یقین رکھنا ہے، تمام شائقین، اسٹاف، کھلاڑیوں، کوچز اور ٹیم مالکان کا شکریہ ادا کرتا ہوں۔ آخر میں انہوں نے لکھا کہ لاہور قلندرز کے لیے خوش ہوں ، اور شاہین آفریدی کی جیت میری جیت ہے۔

Girte hain Sheh'sawaar hi maidaane Jang me!@MultanSultans played like champions & champs get up after being knocked out. Yaqeen rakhna hai. Thanks to all the fans, staff, players, coaches & owner.

Really happy for LQ. Or @iShaheenAfridi ki jeet, meri jeet hai. #Pakistan #PSL7 pic.twitter.com/KKDaBxR9p3

— Muhammad Rizwan (@iMRizwanPak) February 27, 2022

محمد رضوان نے اپنے پیغام کے ساتھ فائنل میچ کی کچھ تصاویر بھی شیئر کیں، جن میں مخالف ٹیم کے کپتان شاہین شاہ آفریدی کی بھی جیت کے بعد خوشی کے لمحات کی تصویر شامل ہے۔

واضح  رہے پاکستان سپر لیگ  ساتویں ایڈیشن کے  فائنل میں لاہور قلندرز نے ملتان سلطانز کو شکست دے کر ٹائٹل اپنے نام کر لیا ، قذافی اسٹیڈیم لاہور میں کھیلے گئے فائنل میں لاہور قلندرز نے ملتان سلطانز کو 42 رنز سے شکست دی تھی۔