امریکا نے روس کے سنٹرل بینک پر پابندیاں لگا دیں

تفصیلات کے مطابق  امریکا نے روس کے سنٹرل بینک پر پابندیاں لگا دیں ہیں،امریکی حکام کا کہنا ہے کہ   روس کے سنٹرل بینک، روس کے ویلتھ فنڈز، روسی وزارت خزانہ سے لین دین پر پابندی ہوگی، روس سے خریدی گیس کے واجبات ادائیگی کے لیے ٹرانزیکشن کی اجازت ہوگی۔

امریکی عہدیدار کا کہنا ہے کہ روسی صدر پیوٹن نے جنگ کے لیے 630 ارب ڈالرز جمع کر رکھے تھے، اب وہ استعمال نہیں ہوسکیں گے،  روس کا  سنٹرل بینک اثاثے وطن واپس لانے کی کوشش کر رہا ہے، اتحادیوں کے منظم اقدامات سے روسی کرنسی کمزور ہوگی۔

 امریکی عہدیدار نے مزید کہا کہ  بیلاروس نے روس کی جنگی مدد جاری رکھی تو اسے بھی نتائج کا سامنا کرنا پڑے گا،  روس میں افراط زر بڑھے گا، عوام کی خریداری کی قوت اور سرمایہ کاری کم ہوگی۔انہوں نے مزید کہا کہ  بین الاقوامی ادائیگیوں کے نظام سے نکالنے کے لیے روسی بینکوں کی فہرست بنا رہے ہیں، امریکا اور اتحادیوں کے اقدامات کے بعد روس اپنی کرنسی کا سہارا نہیں دے سکا گا، ہماری حکمت عملی یوکرین جنگ بند ہونے تک روس کی معیشت کو پیچھے دھکیلنا ہے۔