پی ایس ایل فائنل میں دھانی اور علیم ڈار ایک بار پھر توجہ کا مرکز بنے رہے

فائنل میچ میں دھانی نے لاہور قلندرز کے خلاف محمد حفیظ کی اہم وکٹ لی اور بعد ازاں اپنے انداز میں جشن منانے سے قبل امپائر علیم ڈار کے آگے ہاتھ جوڑ کر اجازت طلب کی۔

پاکستان سپر لیگ کے ٹوئٹر اکاؤنٹ پر شیئر کی گئی ویڈیو میں شاہنواز دھانی کو وکٹ لینے کے بعد علیم ڈار کے آگے ہاتھ جوڑتے اجازت طلب کرتے دیکھا جاسکتا ہے۔

امپائر کی اجازت ملنے پر دھانی نے گراؤنڈ میں دوڑ لگاتے ہوئے مخصوص انداز میں جشن منایا۔

"Ijazat hai?" ?#HBLPSL7 l #LevelHai l #MSvLQ I #HBLPSLFinal pic.twitter.com/ryURyCZFuN

— PakistanSuperLeague (@thePSLt20) February 27, 2022

یاد رہے کہ اس سے قبل بھی کوئٹہ گلیڈی ایٹرز کے میچ کے دوران شاہنواز دھانی اور علیم ڈار کی ایک ویڈیو وائرل ہوئی تھی جس میں علیم ڈار نے دھانی کو نسیم شاہ کی وکٹ اڑانے کے بعد شرارت کرتے ہوئے جشن منانے سے روکنے کی کوشش کی تھی لیکن وہ ناکام رہے تھے۔