پیٹرول اور بجلی کی قیمتوں میں کمی کا اعلان پیپلز پارٹی کے عوامی مارچ کی پہلی کامیابی ہے، ترجمان بلاول ہاوس

تفصیلات کے مطابق  عمران خان کی تقریر پر ترجمان بلاول ہاوَس  نے ردعمل دیتے ہوئے کہا کہ سلیکٹڈ حکومت کی جانب سے پیٹرول اور بجلی کی قیمتوں میں کمی کا اعلان پیپلز پارٹی کے عوامی مارچ کی پہلی کامیابی ہے، پی پی پی چیئرمین بلاول بھٹو زرداری کی زیرِقیادت عوامی مارچ نے سلیکٹڈ وزیراعظم کو جھکنے پر مجبور کردیا۔

ترجمان بلاول ہاوَس نے کہاکہ عوامی مارچ کے دباوَ کی وجہ سے خان صاحب پیٹرول اور بجلی کی قیمتیں کم کرنے پر مجبور ہیں، عمران خان کی تقریر فیک نیوز کا پلندہ تھا، اپنی سابقہ جھوٹ سے بھری تقاریر کا ہی رکارڈ توڑ دیا۔