روسی فوج کا حملہ، 70 یوکرینی فوجی ہلاک

تفصیلات کے مطابق روسی گاڑیوں کا ایک بہت بڑا قافلہ دارالحکومت کیف کی جانب بڑھ رہا ہے۔ یوکرین کا دوسرا سب سے بڑا شہرخارکیف  میں روسی میزائل شہری انتظامیہ، رہائشی علاقوں کو نشانہ بنا رہے ہیں۔

 یوکرین کے صدر نے ایک بیان میں کہا ہے کہ  روس کے ساتھ مذاکرات سے کوئی مطلوبہ نتائج نہیں ملے۔ یوکرین کے وزیر خارجہ نے خارکیف میں "وحشیانہ" حملوں کے بعد روس کی مکمل بین الاقوامی تنہائی کا مطالبہ کردیا۔

برطانوی میڈیا کے مطابق یوکرینی دارالحکومت کیف، مغربی شہروں ترنوپل، وینتسیا اور ریون میں فضائی حملوں کے سائرن بجائے جا رہے ہیں۔

بیلاروس کے صدر لوکاشینکو نے ایک بیان میں کہا ہے کہ  بیلاروس کا یوکرین میں روس کے آپریشن میں حصہ لینے کا کوئی منصوبہ نہیں ۔ 

اس سے قبل گزشتہ روز کشیدگی کے خاتمے کے لیے روس اور یوکرین کے درمیان 5 گھنٹے جاری رہنے والے مذاکرات میں جنگ بندی پر اتفاق نہ ہو سکا۔بیلا روس کی سرحد پر ہونے والے روس اور یوکرین کے درمیان مذاکرات کا پہلا دور بغیر کسی نتیجے کے ختم ہو گیا۔