پاکستان کو ہرانے کے لئے بہترین کرکٹ کھیلنا ہوگی: اسٹیواسمتھ

آسٹریلین کرکٹر اسٹیواسمتھ کا کہنا تھا کہ پاکستان کے پاس ورلڈ کلاس کھلاڑی موجود ہیں،شاہین شاہ اور حارث رؤف تیز رفتار فاسٹ باؤلرز ہیں۔

 اسٹیواسمتھ کا کہنا تھا کہ پاکستان میں کھیلنے کی ہمیشہ سے خواہش تھی، پہلے پریکٹس  سیشن میں اسٹیڈیم اورپچ دیکھنے کا موقع ملے گا اورکنڈیشنزسے آگاہ ہونے کی کوشش ہوگی۔

 اسٹیواسمتھ کا کہنا تھا کہ پاکستان کے ساتھ کچھ سال قبل آسٹریلیا میں کھیلے تھے،پاکستان ایک اچھی ٹیم ہے، پاکستان میں سیکیورٹی بہترین ہے اور ہم محفوظ محسوس کر رہے ہیں۔

ان کا مزید کہنا تھا کہ مختلف کنڈیشنر میں کھیلنے سے لطف اندوز ہوتا ہوں۔بطورکھلاڑی آسٹریلیا کے لئے کھیلنے پرخوش ہوں،پیٹ کمنز عمدہ کپتانی کررہے ہیں، دورہ پاکستان کے لئے آسٹریلیا کی ٹیم میں 3 اسپنرز ہیں۔