وزیراعظم کے عوامی ریلیف پیکیج نے اپوزیشن کی نیندیں اڑا کے رکھ دیں ، فرخ حبیب

تفصیلات کے مطابق وزیر مملکت اطلاعات و نشریات فرخ حبیب نے شاہد خاقان عباسی کی پریس کانفرنس پر ردعمل دیتے ہوئے کہا ہے کہ  وزیراعظم عمران خان کے عوامی ریلیف پیکیج نے اپوزیشن کی نیندیں اڑا کے رکھ دیں ہیں، بطورسابق وزیراعظم شاہد خاقان عباسی کو عمران خان کے اقدام کو سراہنا چاہیے تھے۔

وزیرمملکت  نے کہا کہ  اخلاقیات اور ن لیگ دو الگ الگ چیزیں ہیں، ن لیگ عوام کے ریلیف پر بھی خفانظر آئی، ن لیگ کااصل ایجنڈا ہے کیا، ن لیگ کو یاد ہوگی کہ وہ جو آئندہ حکومت کے لئے جو مشکلات پیدا اور چیلنجز چھوڑ کرگئے تھے۔

فرخ حبیب  کا کہنا تھا کہ  آج ہم ن لیگ اور پیپلز پارٹی کی کرپشن،لوٹ مار اور اداروں کو تباہ کرنے کا خمیازہ بھگت رہے ہیں، کرنٹ اکاؤنٹ خسارہ کی ذمہ دار ن لیگ ہے،ہماری کوششوں سے یہ کم ہوا ہے۔