انٹرنیشنل ٹینس فیڈریشن نے روس کی رکنیت معطل کر دی

غیر ملکی خبر رساں ادارے  کے مطابق انٹرنیشنل ٹینس فیڈریشن نے روس اور بیلا روس کی رکنیت  معطل کر دی ہے، روس میں  آئندہ کوئی انٹر نیشنل ٹینس ایونٹ نہیں ہو گا۔

روس کو ٹینس کے ٹیم  ایونٹس میں شرکت کی اجازت بھی نہیں ہوگی۔ تاہم ان ممالک کے کھلاڑی بغیر کسی قومی شناخت کے  ٹورنامنٹس میں شرکت کر سکیں گے۔

گزشتہ روزبین الاقوامی اولمپک کمیٹی نے  سفارش کی تھی کہ  کھیلوں کی تنظیمیں روسی ایتھلیٹس کو ایونٹس میں شرکت  سے روکیں۔

یاد رہے کہ اس سے قبل  فٹبال کی عالمی تنظیم فیفا نے روس پر فٹبال کے تمام مقابلوں میں حصہ لینے پر پابندی عائد کی تھی ۔

فیفا اور یوئیفا کی جانب سے جاری کیے گئے مشترکہ بیان کے مطابق روس کسی بھی قسم کےفٹبال مقابلوں میں شرکت نہیں کرسکے گا۔