’پاکستان اپنے پڑوسیوں کے ساتھ پرامن اور قریبی تعلقات چاہتا ہے ‘

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق  آرمی چیف جنرل قمر جاوید باجوہ سے  ایرانی ائیر فورس کے کمانڈر بریگیڈئیر جنرل پائلٹ حامد وحیدی کی ملاقات ہوئی ہے، ملاقات میں باہمی دلچسپی اور علاقائی سلامتی کی صورتحال پر تبادلہ خیال کیا۔

آئی ایس پی آر کے مطابق  ملاقات میں دونوں ممالک کے درمیان دوطرفہ تعاون پر بھی  بات  چیت کی گئی۔

اس موقع پر آرمی چیف جنرل قمر جاوید باجوہ  نے کہا کہ  پاکستان اپنے پڑوسیوں کے ساتھ پرامن اور قریبی تعلقات چاہتا ہے۔آرمی چیف جنرل قمر جاوید باجوہ نے علاقائی استحکام کے لیے اجتماعی کوششوں کی ضرورت پر مزید زور دیا۔

ترجمان پاک فوج  کا کہنا ہے کہ معزز مہمان   نے  پاکستان کی مسلح افواج کی پیشہ ورانہ مہارت کی تعریف کی، ایرانی فضائیہ کے کمانڈر  نے مختلف شعبوں میں تعاون بڑھانے کے عزم کا اظہار کیا،    ایرانی فضائیہ کے کمانڈر نے افغان صورتحال میں پاکستان کے کردار  کو   بھی سراہا۔