کوئٹہ : فاطمہ جناح روڈ پر پولیس موبائل کے قریب دھماکہ

تفصیلات کے مطابق  فاطمہ جناح روڈ پر پولیس موبائل کے قریب دھماکہ ہوا ہے، دھماکے میں جاں بحق افراد کی تعداد تین ہوگئی، متعددزخمی بھی ہیں  ۔

پولیس کا کہنا ہے کہ دھماکے میں   ڈی ایس پی اجمل خان بھی جاں بحق ہوگئے ہیں ،    ڈی ایس پی اجمل خان  پولیس  لائن پر مامور تھے اور   دھماکے کے  وقت فاطمہ جناح روڈ سے گز رہے تھے۔

 دھماکے کے بعد دکان میں آگ لگ گئی  ہے۔ پولیس کا کہنا ہے کہ دھماکے کی نوعیت معلوم کی جا رہی ہے۔

اطلاع ملنے پر   پولیس اور ریسکیو ٹیمیں دھماکے کی جگہ پہنچ گئیں ہیں ۔ریسکیو ادارے امداری کارروائیوں میں مصروف ہیں ۔سول اسپتال کوئٹہ میں ایمرجنسی نافذ کردی گئی ہے، جبکہ زخمیوں کو  اسپتال منتقل کیا جا رہا ہے ۔

قانون نافذ کرنے والے اداروں نے  جائے دھماکا کو گھیرے میں لے لیا ہے اور ابتدائی شواہد اکٹھے کیے جا رہے ہیں۔