رومانیہ کا فوجی ہیلی کاپٹر گر کر تباہ، 7 فوجی ہلاک

غیر ملکی خبر رساں ادارے  کے مطابق رومانیہ کے  فوجی ہیلی کاپٹر کو  حادثہ خراب موسمی حالات کے باعث پیش آیا۔  حکام نے بتایا کہ بدھ کے روز مشرقی رومانیہ میں بحیرہ اسود کے قریب لاپتہ مگ 21  لڑاکا طیارے اور اس کے پائلٹ کی تلاش کے دوران ان کا ہیلی کاپٹر گر کر تباہ ہونے سے طیارے میں سوار تمام 7 فوجی اہلکار ہلاک ہو گئے ہیں۔

عملے کے پانچ ارکان کے علاوہ رومانیہ کی بحریہ کے دو سمندری ریسکیورز بھی جہاز میں سوار تھے، ہیلی کاپٹر لڑاکا طیارے کی تلاش کر رہا تھا، کچھ ہی دیر بعد جیٹ کا کنٹرول ٹاور سے رابطہ منقطع ہو گیا اور ریڈار سے غائب ہو گیا۔

وزارت کے ترجمان کے مطابق، پائلٹ نے موسم کی خراب صورتحال کی اطلاع دی تھی اور اسے بیس پر واپس جانے کا حکم بھی دیا گیا تھا۔ تاہم ان کا کہنا تھا کہ ممکنہ وجوہات پر بات کرنا قبل از وقت ہے۔ یقیناً، ناموافق موسمی حالات تھے، لیکن ہم ابھی تبصرہ نہیں کر سکتے۔ انہوں نے بتایا کہ ہم نے انکوائری کے دو کمیشن قائم کیے ہیں۔

اس سے قبل  2018 میں بھی  رومانیہ کی فضائیہ کا ایک پائلٹ اس وقت ہلاک ہو گیا جب اس کا MiG21 لانسر لڑاکا طیارہ ملک کے جنوب مشرق میں ایک ایئر شو کے دوران گر کر تباہ ہو گیا۔