'ایسا لگتا ہے جہنم میں جی رہے ہیں'

غیر ملکی خبررساں ادارے  سے بات کرتے ہوئے  میٹرنٹی اسپتال میں موجود ایلبینا نے بتایا کہ '24 فروری کو میری آنکھ روسی حملوں سے صبح 5 بجے کھلی، مجھے ہر طرف  خواتین کی چیخوں اور آہ و بکا کی آوازوں نے خوفزدہ کردیا تھا۔'

ایلبینا کو دو ہفتے قبل کچھ  پیچیدگیوں کے باعث  کیف کے ایک اسپتال میں داخل کیا گیا تھا اور اس وقت  32 ہفتوں کی حاملہ ہیں۔

ایلبینا کا کہنا ہے کہ وہ  جنگ زدہ ملک کی صورتحال کے باعث  شدید ذہنی دباؤ کا شکار ہیں، یہ کسی ڈراؤنے خواب سے کم نہیں ہے، ہم حقیقی جہنم میں رہ رہے ہیں،  کبھی سوچا بھی نہیں تھا کہ 21ویں صدی میں ایسا واقعہ پیش آسکتا ہے۔

ایلبینا کا بتانا تھا کہ بہت سی خواتین ایسی ہیں جو اس صورتحال کے باعث مشکلات کا شکار ہیں  اور جنہیں بمباری سے بچتے ہوئے علاج کیلئے زیر زمین سرنگوں میں پہنچایا گیا۔