ہم نے کل بھارت کو آخری بار وارننگ دی ہے ،’ انف ازانف ‘ : شیخ رشید

تفصیلات کے مطابق پاک بحریہ کی جانب سے  پاکستان کے گہرے پانیوں میں بھارتی آبدوز کا سراغ لگایا گیا،جس پر وزیر داخلہ شیخ رشید نے بیان دیتے ہوئے کہا ہے کہ  پاکستان کے گہرے پانیوں میں پانچویں دفعہ مداخلت کرنے کی کوشش کی ہے، ایک سال پہلے بھی ہم نے ان کی سب میرین کو پکڑا تھا۔ لیکن مارا نہیں۔

وزیر داخلہ شیخ رشید احمد نے کہا کہ  ہم ایک پر امن ملک ہیں ہم نے ان کو مارا نہیں وارننگ دی تاکہ وہ واپس چلی جائے، کل بھی ہم نے ان کو متنبہ کیا کہ “انف ازانف “، ہم نے کل بھارت کو آخری بار وارننگ دی ہے، اب ہمارے پانیوں میں آئے تو ہم سے گلہ نہ کرنا۔

شیخ رشید احمد نے بیان میں کہا ہے کہ   ہماری عظیم فوج ہے  اور ہماری پاکستان بحریہ کا عظیم جذبہ ہے، کوئی پاکستان کے بری، بحری، اور فضائی حدود کی طرف میلی آنکھ سے نہیں دیکھ سکتا،  ہم عظیم فوج کا عظیم ملک ، پاکستان ہیں۔