عدم اعتماد کی دھمکیاں دینے والے منہ کی کھائیں گے، علی زیدی کا بلاول کی تقریر پر ردعمل

 صدر پی ٹی آئی سندھ و وفاقی وزیر علی زیدی  نے  بلاول زرداری کی تقریر پر رد عمل دیتے ہوئے کہا کہ  بلاول کی تقریر الٹا چور کوتوال کو ڈانٹے کی مثال کے مترادف ہے،  مسٹر ٹین پرسنٹ کا بیٹا سرٹیفائیڈ صادق اور امین سے حساب مانگے رہا ہے،  وزیر اعظم عمران خان کو اعلیٰ عدلیہ نے صادق اور امین قرار دیا ہے، حساب تو زرداری مافیا کی کرپشن کا ہوگا۔

علی زیدی نے کہا کہ   سندھ کو لوٹ کر کھانے والے مگرمچھ کے آنسو بہا رہے ہیں، بلاول جتنا چاہے شور مچا لین انکے ابو کو این آر او نہیں ملے گا،  ملک و قوم کی دولت لوٹنے والوں کے لیے کوئی گنجائش نہیں۔

وفاقی وزیر کا کہنا ہے کہ  عدم اعتماد کی دھمکیاں دینے والے منہ کی کھائیں گے، جعلی بھٹو کرپشن کی نرسری میں پلے ہیں،  انہیں سیاست نہیں صرف کرپشن آتی ہے۔