امریکا کی روس کی 22 ڈیفنس کمپنیوں پر پابندی

تفصیلات کے مطابق   روس کو معاشی طور پر کمزور کرنے کیلئے گھیرا تنگ کیا جا رہا ہے، امریکا نے روس کی 22 ڈیفنس کمپنیوں پر پابندی لگا دی، جس میں روسی فوج کیلئے لڑاکا طیارے،جنگی گاڑیاں تیار کرنے والی کمپنیاں شامل ہیں۔

دوسری جانب امریکا  نے  بیلاروس پر بھی پابندیاں عائد کردیں ہیں ، پابندی ٹیکنالوجی،سافٹ ویئرزکی روس منتقلی روکنے کے لیے لگائی گئی ہے۔

گزشتہ روز نیوز یارک میں  ہونے والے اقوام متحدہ کی سلامتی کونسل کے ہنگامی اجلاس میں یوکرین پر روسی حملے کے خلاف قرارداد  بھی منظور کی گئی ، جس میں  یوکرین کے خلاف روسی جارحیت کی مذمت ، روس سے جنگ بندی اور افواج کی واپسی کا مطالبہ کیا گیا۔

جنرل اسمبلی کے 193 ارکان میں سے141 نے روس کے خلاف قرار داد کی حمایت کی،پانچ رکن ممالک نے روس کے خلاف قرار داد کی مخالفت کی،جن میں  روس، بیلاروس، ایریٹریا، شام اور شمالی کوریا  شامل ہے۔ جبکہ چین سمیت پینتیس ممالک اجلاس سے غیر حاضر رہے۔