پشاور دھماکہ :  وزیر اعلیٰ خیبر پختونخوا محمود خان نے ہنگامی اجلاس طلب کر لیا 

ذرائع کے مطابق پشاور دھماکے کے بعد وزیر اعلیٰ خیبر پختونخوا محمود خان نے ہنگامی اجلاس طلب کر لیا ہے، اجلاس آج شام پانچ بجے وزیر اعلیٰ ہاؤس میں منعقد ہوگا ، اجلاس میں تمام متعلقہ حکام اور شراکت دار شریک ہونگے جس میں  صوبے کی مجموعی سکیورٹی صورتحال کا تفصیلی جائزہ لیا جائے گا۔

دوسری جانب پشاور بھر کے ہسپتالوں میں ایمرجنسی نافذ کردی گئی ہے، ایم ٹی آئیز سمیت ضلع بھر کیلئے اسپتالوں میں ریڈ الرٹ جاری کردیا گیا ہے،  تمام اسپتالوں میں میڈیکل سٹاف کو الرٹ رہنے کی ہدایت کی گئی ہے، تمام طبی عملے کی  چھٹیاں منسوخ کردیں گئی ہیں۔

اس سے قبل پشاور کے علاقے کوچہ رسالدار میں جامع مسجد میں دوران نماز دھماکہ ہوا ہے ، جس کے نتیجے میں 30 افراد جاں بحق جبکہ متعدد افراد زخمی ہوئے ہیں ۔ وزیراعظم عمران خان  نے پشاور دھماکےکی مذمت کرتے ہوئے زخمیوں کو فوری طبی امداد فراہم کرنے کی ہدایت کی اور ساتھ ہی واقعے کی رپورٹ طلب کرلی۔