وزیر اعظم سے وزیر داخلہ شیخ رشید کی ملاقات، ملک کی سکیورٹی صورتحال پر تبادلہ خیال

تفصیلات کے مطابق  وزیر اعظم عمران خان سے وزیر داخلہ شیخ رشید  نے  ملاقات کی ہے، شیخ رشید نے سکیورٹی صورتحال سے وزیراعظم عمران خان کو آگاہ کیا،  ملاقات میں ملک کی سکیورٹی صورتحال پر تفصیلی مشاورت کی گئی۔

وزیر اعظم عمران خان نے وزیر داخلہ شیخ رشید کو امن وامان یقینی بنانے کی ہدایت کی ،اس کے علاوہ ملاقات میں ملکی سیاسی صورتحال بارے بھی تبادلہ خیال کیاگیا۔

اس سے قبل پشاور کے علاقے کوچہ رسالدار میں جامع مسجد میں دوران نماز دھماکہ ہوا ہے ، جس کے نتیجے میں 30 افراد جاں بحق جبکہ متعدد افراد زخمی ہوئے ہیں ۔ وزیراعظم عمران خان  نے پشاور دھماکےکی مذمت کرتے ہوئے زخمیوں کو فوری طبی امداد فراہم کرنے کی ہدایت کی اور ساتھ ہی واقعے کی رپورٹ طلب کرلی۔