ندیم افضل چن کا پیپلزپارٹی میں دوبارہ شمولیت کا فیصلہ

ذرائع کے مطابق ندیم افضل چن کے پیپلز پارٹی سے معاملات طے ہوگئے اور بلاول بھٹو کل ندیم افضل چن سے ان کی رہائش گاہ پر ملاقات کریں گے۔

ندیم افضل چن چیئرمین پیپلز پارٹی بلاول بھٹوسے ملاقات میں پیپلزپارٹی میں دوبارہ شمولیت کا اعلان کریں گے۔

خیال رہے کہ ندیم افضل چن نے 19 اپریل 2018 کو عمران خان سے ملاقات میں پی ٹی آئی میں شمولیت کا اعلان کیا تھا۔

پی ٹی آئی میں شمولیت کے وقت بھی وہ پی پی کے سینیئر رہنما تھے جبکہ تحریک انصاف کی حکومت بننے کے بعد انہیں وزیراعظم کا ترجمان اور معاون خصوصی بنایا گیا تھا۔

تاہم گزشتہ سال وہ عہدے سے مستعفی ہوگئے تھے۔