وزیر اعظم اپنے مشیروں سے محتاط رہیں: چوہدری پرویز الٰہی

تفصیلات کے مطابق مسلم لیگ ق کے رہنما اور اسپیکر پنجاب اسمبلی چوہدری پرویز الہٰی کا کہنا تھا کہ وزیر اعظم کے مشیر حکومت اور میڈیا کے درمیان خلیج حائل کر رہے ہیں، تحریک انصاف کے ارکان کو میڈیا میں جانے سے روکنے کی اطلاعات ہیں۔

ان کا کہنا تھا کہ تحریک انصاف کی طرف سے ارکان کے مخصوص چینلز میں نہ جانے پر تشویش ہے جس کی وجہ سے پی ٹی آئی اپنا نقطہ نظر متوازن طریقے سے عوام کے سامنے نہیں رکھ پائے گی۔

انہوں نے کہا ہے کہ آزادی اظہار رائے جموریت کا حسن ہے، وزیر اعظم اور پارٹی قیادت سے فیصلے پر نظر ثانی کی درخواست کرتے ہیں۔

ان کا مزید کہنا تھا کہ وزیر اعظم نے مجھے میڈیا ہاؤسز اور حکومت میں پیکا آرڈیننس سے متعلق معاملات سلجھانے کا ٹاسک دیا ہے۔