سندھ کے لوگ پیپلز پارٹی کے اقتدار سے تھک چکے ہیں:شاہ محمود قریشی

تفصیلات کے مطابق  شاہ محمود قریشی کا کہنا تھا کہ اندرون سندھ کے لوگوں کا مشکور ہوں جنہوں نے عزت دی وہ قابلِ دید ہے، سندھ کے لوگ پیپلز پارٹی کے اقتدار سے تھک چکے ہیں۔

ان کا کہنا تھا کہ پی ٹی آئی اب پورے ملک میں موجود ہے اور وہ متبادل کے طور آ رہی ہے، اس کارواں کے اختتام پر سندھ کے مسائل کو سامنے کر کے چارٹر آف ڈمانڈ رکھے گے۔

انہوں نے کہا ہے کہ سندھ کے لوگوں کے حقوق کا آئینہ دیکھائیں گے، اور سندھ کے لوگوں کے کیا کیا حقوق ہیں وہ ہم بتائیں گے، حیدرآباد میں ایک شو تھا جو ٹنڈوجام میں ہوا باقی شہر میں ایک استقبالیہ کیمپ تھا۔

ان کا مزید کہنا تھا کہ ندیم افضل چن کے فیصلے کا علم نہیں تھا، لیکن انہوں نے جانے کا فیصلہ کیا تو دکھ تو ہوگا، وہ اچھے دوست ہیں انکو یہ کہوں گا کہ وہ اپنے فیصلے پر نظر ثانی کریں۔