میکسیکو میں فٹبال میچ کے دوران شائقین لڑ پڑے ، 26زخمی  

غیر ملکی خبر رساں ایجنسی  کے مطابق  میکسیکو کی فٹبال لیگ (لیگا ایم ایکس) میں کوئریٹارو اور اٹلس کے درمیان کھیلے جانے والا میچ میدان میں موجود شائقین کے درمیان لڑائی کی وجہ سے 63 منٹ کے بعدختم کردیا گیا۔

مقامی پولیس کے مطابق جھگڑا میچ کے 63 ویں منٹ میں ہوا ، اس وقت تک کے کھیل میں اٹلس کی ٹیم کو 1-0 کی برتری حاصل تھی۔

رپورٹس کے مطابق کھلاڑیوں نے بھی شائقین کے درمیان جھگڑے کو روکنے کی کوشش کی لیکن شائقین ایک دوسرے کو مارتے رہے۔ واقعے میں زخمی  ہونیوالوں میں 2 کی حالت تشویشناک ہے ۔ 

 لیگا ایم ایکس کے صدر کا مائیکل آریولا نے اعلان کیا ہے کہ لیگ کے اتوار کے روز ہونے والے تمام میچز ملتوی کردیے گئے ہیں ۔ انہوں نے واضح کیا کہ سٹیڈیم کے اندر سیکیورٹی فراہم کرنے میں ناکامی کے ذمہ داروں کو کڑی سزائیں دی جائیں گی۔