مشن تحریک عدم اعتماد ، اپوزیشن کے 3 بڑوں کی اہم ملاقات طے  

ذرائع کے مطابق اپوزیشن لیڈرشہباز شریف ، سابق صدر آصف علی زرداری اورمولانا فضل الرحمان کے درمیان رابطہ ہوا ہے  جس میں تینوں رہنماؤں  کے درمیان ایک اور ملاقات طے پا گئی ہے۔

ذرائع کے مطابق اپوزیشن رہنماوں کےدرمیان ملاقات  جلد زرداری ہاوس اسلام آباد میں ہوگی ۔ اپوزیشن رہنماوں کی ملاقات میں تحریک عدم اعتماد کو حتمی شکل دی جائے گی ، اجلاس میں نمبرز گیم پر بھی بات چیت ہوگی۔ 

‎ ‎تینوں بڑی جماعتوں نے اپنے ارکان کو اسلام آباد میں موجود رہنے کی ہدایات جاری کررکھی ہیں۔ 

واضح رہے  کہ پیپلز پارٹی  کالانگ مارچ جلد اسلام آباد پہنچنے والا ہے۔ اپوزیشن نے لانگ مارچ کے اسلام آباد پہنچنے  کے بعد وزیر اعظم کے خلاف تحریک عدم اعتماد لانے کا اعلان کیا تھا۔  تحریک عدم اعتماد لانے کے لیے اپوزیشن کی جانب سے حکومتی اتحادیوں سے بھی رابطے کیے گئے ہیں ۔