امریکا میں ہوا کے بگولے کی تباہ کاریاں، 7 افراد ہلاک

غیر ملکی خبر رساں ادارے کے مطابق ریاست کے شہر میڈیسن کے ہنگامی صورتحال امور کے حکام کا کہنا ہے کہ طوفان ڈیس موئن شہر کے جنوب مغرب میں آیا جس سے کئی عمارتوں کو نقصان پہنچا، درخت گر گئے اور بجلی کی ترسیلی لائنیں تباہ ہوگئیں۔

طوفان نے ملک کے بیشتر حصوں کو بھی متاثر کیا ہے ، مقامی میڈیا کے مطابق سب سے طاقتور بگولوں سے ریاست کا بیشتر رقبہ شدید متاثر ہوا ہے۔

حکام کا کہنا ہے کہ طوفان سے درجنوں مکانات کو شدید نقصان پہنچا ، جس دوران دو بچوں سمیت 7 افراد اپنی جانوں سے ہاتھ دھو بیٹھے اور کچھ زخمی ہوئے۔ لوکاس بستی میں متعدد افراد کے زخمی ہونے کی اطلاعات ہیں۔

اس دوران ڈیس موئنس کے علاقے میں تقریباً 10,000 لوگ بجلی کی سہولت سے محروم رہے۔

سائنسی ماہرین  نے خبردار کیا ہے کہ موسمیاتی تبدیلی طوفانوں کو مزید طاقتور بنا رہی ہے اور ان کی فریکوئنسی میں اضافہ کر رہی ہے جس سے ان علاقوں کے لیے خطرہ مزید بڑھ رہا ہے جہاں شدید موسمی واقعات پہلے سے ہی عام ہیں۔