پی ٹی آئی کورکمیٹی اجلاس،پارٹی رہنماؤں کو اہم ٹاسک مل گئے

ذرائع کا کہنا ہے کہ پرویز خٹک خیبر پختونخوا کے ارکان  کو اعتماد میں لیں گے،جبکہ بلوچستان کے ارکان سے رابطوں کا ٹاسک قاسم سوری کو دیا گیا ہے۔

ذرائع کے مطابق جنوبی پنجاب کا ٹاسک خسرو بختیار کو دے دیا گیاہے جبکہ وزیر خارجہ شاہ محمود قریشی پورے پنجاب پر  نظر رکھیں گے۔

ذرائع کا کہنا ہے کہ اجلاس میں  وزیراعظم کے خلاف مجوزہ تحریک عدم اعتماد سے متعلق بھی مشاورت کی گئی ۔

ذرائع کے مطابق اجلاس میں موجودہ سیاسی صورتِ حال اور بلدیاتی انتخابات پر بھی مشاورت کی گئی ، کور کمیٹی کو بلدیاتی انتخابات کی تیاریوں پر بریفنگ بھی دی گئی۔

دوسری جانب وزیراعظم عمران خان کے خلاف تحریک عدم اعتماد کے معاملے پر اپوزیشن کی سب سے بڑی جماعت مسلم لیگ (ن) نے بھی اسلام آباد میں پارلیمانی پارٹی کا اجلاس آج طلب کر رکھا ہے ۔  

ن لیگ کی پارلیمانی پارٹی کا اجلاس چک شہزاد میں واقع سیکریٹریٹ میں شام 6 بجے ہوگا، جس کی صدارت پارٹی صدر اور اپوزیشن لیڈر شہباز شریف کریں گے۔