گورنر سندھ عمران اسماعیل لاہور پہنچ گئے،عبدالعلیم خان سے ملاقات

ذرائع کے مطابق  گورنر سندھ عمران اسماعیل نے وزیراعظم عمران خان کی ہدایت پر علیم خان کے گھر میں سابق صوبائی وزیر سے ملاقات کی، ملاقات میں پارٹی معاملات پر تحفظات پربات چیت کی گئی۔ 

ذرائع کا کہنا ہے کہ علیم خان نے کھل کر عمران اسماعیل کے ساتھ پارٹی معاملات پر بات چیت کی اور گروپ کے تحفظات سے گورنر سندھ کو آگاہ کیا۔

ذرائع کے مطابق وزیراعظم عمران خان نے گورنر سندھ کو جہانگیر ترین اور علیم خان سے رابطے کا ٹاسک دیا تھا۔

ذرائع کے مطابق وزیراعظم کی زیر صدارت کور کمیٹی کا اجلاس ہوا، جس میں وزرائے اعلی، گورنرز اور وفاقی وزراء شریک ہوئے۔ اجلاس میں ملکی سیاسی صورتحال کا جائزہ لیا گیا۔ مشیر پارلیمانی امور ڈاکٹر بابر اعوان نے پارلیمانی امور سے متعلق بریفنگ دی۔