وزیر خزانہ شوکت ترین کی زیر صدارت اقتصادی رابطہ کمیٹی کا اجلاس

ای سی سی کی جانب سے جاری کردہ اعلامیے میں بتایا گیا ہے کہ وزیراعظم کے اعلان کے مطابق بجلی  کے نرخوں میں 5 روپے فی یونٹ ریلیف کی منظوری  دے دی گئی ہے، یہ ریلیف مارچ سے جون 2022ء تک چار ماہ  کے لیے دیا جائے گا۔

 ای سی سی نے اوورسیز پاکستانیوں  کے لیے کامیاب اوورسیز پروگرام کی منظوری  بھی دے دی۔

اجلاس میں  کم آمدن تارکین وطن  کے لیے سود سے پاک قرضے فراہم  کرنے کی منظوری بھی دی گئی جبکہ  پروگرام کے تحت 10 ہزار 180 افراد کو 3 لاکھ تک قرض فراہم کیا جائے گا۔

اعلامیے میں بتایا گیا کہ وزیراعظم ریلیف پیکیج کے تحت 136 ارب روپے کی سہولت فراہم کی جائے گی۔

اجلاس میں 8.28 ارب کے رمضان ریلیف پیکیج کی منظوری بھی  دی گئی  جبکہ یوٹیلیٹی اسٹورز پر 19 اشیائے ضروریہ پرسبسڈی دی جائے گی۔

ای سی سی نے امپورٹ سینڈ ایکسپورٹ پالیسی آرڈر 2020ء میں ترامیم کی منظوری  بھی دے دی۔