وزیراعظم کو علیم خان کے تحفظات سے آگاہ کرونگا، آخری فیصلہ انہی کا ہوگا: گورنر سندھ

سابق صوبائی وزیر علیم خان سے ملاقات کے بعد میڈیا سے گفتگو کرتے ہوئے گورنر سندھ عمران اسماعیل نے کہا کہ مجھےافسوس ہےدیرینہ دوست علیم خان کےپاس مذاکرت کیلئے آنا پڑا، سابق صوبائی وزیر پہلے بھی عمران خان کے ساتھی تھے، اب بھی ہیں۔ وزیراعظم کی ہدایت پر لاہور پہنچا ہوں۔

 انہوں نے کہا کہ علیم خان کے تمام تحفظات پارٹی کے حق میں ہیں۔ جو سفارشات لیکر جا رہا ہوں، امید ہے وزیراعظم قبول کرینگے، ناراض ارکان 24 گھنٹوں میں ہمارے ساتھ ایک پیج پر ہوں گے۔

ان کا کہنا تھا کہ علیم خان اور جہانگیر ترین گروپ کے تحفظات ہیں۔ تحفظات دورکریں گے تو ہماری حکومت کا ہی فائدہ ہو گا۔