وزیراعلیٰ پنجاب اِن ایکشن : جہانگیرترین گروپ اور ہم خیال گروپ کے ارکان سے رابطہ 

جی این این کے مطابق وزیر اعلی پنجاب سردار عثمان بزدار آج جہانگیرترین گروپ کے ارکین اسمبلی سے بھی ملاقات کریں گے۔

وزیراعلی پنجاب ہم خیال گروپ کے ارکان سے بھی ملیں گے ، ایوان وزیراعلی میں بلائے جانے والے جہانگیر خان ترین گروپ کے ارکان اسمبلی میں خرم لغاری، فیصل جبوانہ۔ عبدالحئی دستی،   سید رفاقت علی اور طاہر رندھاوا شامل ہیں۔ ہم خیال گروپ کے کرنل (ر) غنضفر عباس شاہ  ، وزیراعلیٰ عثمان بزدار سے، تیمور لالی اور چوہدری بلال اصغر شامل ہیں۔

 جہانگیر خان ترین سے الگ ہونے والے نذیر چوہان کو بھی وزیر اعلی  پنجاب نے ملاقات کیلئے بلا لیا ہے  ۔ 

وزیراعلی ٰ پنجاب عثمان بزدار کا تحریک عدم اعتماد کے حوالے سے کہنا تھا کہ اپوزیشن کے پاس نمبر گیم پوری نہیں، انہوں نے عدم اعتماد کا جو گڑھا کھودا ہے  وہ خود اس میں گرے گی، وزیراعظم عمران خان عدم اعتماد سے سرخرو ہو کر نکلیں گے ، اپوزیشن اکٹھی ہو کر بھی وزیراعظم عمران خان کا مقابلہ نہیں کرسکتی ، اقتدار کی ہوس میں اپوزیشن عناصر نے قومی مفادات کو داؤ پر لگایا ہوا ہے۔

خیال رہے کہ  ترین گروپ کے بعد 14 ارکان پنجاب اسمبلی پرمشتمل ہم خیال گروپ کا اجلاس بھی آج لاہور میں ہو رہا ہے ۔ 

دوسری جانب مسلم لیگ  ق نے حکومتی ارکان ٹوٹ جانےپر پہلی بار اپوزیشن  کے ساتھ جانے کااشارہ دیدیا ، ذرائع کا کہنا ہے کہ طارق بشیر چیمہ نے وزیراعظم سے ملاقات میں  کہا کہ  اگر آپ کے پندرہ بیس  ارکان ٹوٹ گئے تو ہم بھی اپوزیشن  کے ساتھ جانے پر مجبور ہوں گے ۔  ذ ق لیگ نے وزیراعظم کو آگاہ کردیا کہ اتحاد کے معاملات میں اپ کے ساتھ کھڑے ہیں لیکن اگراپکے ارکان بکھر گئے تو ہم نئی پالیسی بناسکتے ہیں ۔