وزیراعظم  سے طارق بشیر چیمہ کی ملاقات ، اندرونی کہانی سامنے آگئی 

جی این این کے مطابق وزیراعظم  عمران خان سے  مسلم لیگ ق سے تعلق رکھنے والے  وفاقی وزیر طارق بشیر چیمہ کی ملاقات   کی اندرونی کہا نی سامنے آگئی ، ملاقات میں سیاسی صورتحال اور آئندہ منظر نامے پر آپشنز پربات چیت  کی گئی جبکہ  حکومتی ارکان ٹوٹ جانے کی صورت میں آئندہ  سیاسی تعاون پربھی تبادلہ خیال ہوا ۔ 

ذرائع کے مطابق  مسلم لیگ  ق نے حکومتی ارکان ٹوٹ جانےپر پہلی بار اپوزیشن  کے ساتھ جانے کااشارہ دیدیا ۔ ذرائع کاکہنا ہے کہ طارق بشیر چیمہ نے وزیراعظم سے ملاقات میں  کہا کہ   اگر آپ کے پندرہ بیس  ارکان ٹوٹ گئے تو ہم بھی اپوزیشن  کے ساتھ جانے پر مجبور ہوں گے ۔

ق لیگ نے وزیراعظم کو آگاہ کردیا کہ اتحاد کے معاملات میں اپ کے ساتھ کھڑے ہیں لیکن اگراپکے ارکان بکھر گئے تو ہم نئی پالیسی بناسکتے ہیں ۔ 

دوسری جانب ترین گروپ نے آج دوبارہ اجلاس بلالیا  ، اجلاس میں مسلم لیگ ن کے ترین گروپ سے رابطے پر مشاورت ہوگی ۔  ذرائع  کاکہنا ہے کہ مسلم لیگ ن کی قیادت نے ترین گروپ کے عون چوہدری سے رابطہ کیا۔  اجلاس میں ترین گروپ کے دیگر اراکین کو رابطے کی تفصیلات سے آگاہ کیا جائے گا۔