جہانگیر ترین گروپ اور پرویز الہی کی ملاقات کی اندرونی کہانی سامنے آ گئی

تفصیلات کے مطابق  جہانگیر ترین گروپ اور پرویز الہی کی ملاقات کی اندرونی کہانی سامنے آ گئی ہے۔ذرائع کا کہنا ہے کہ  جہانگیر ترین گروپ نے چودھری پرویز الہی کو وزیراعلی پنجاب سے متعلق اپنے تحفظات سے آگاہ کر دیا۔ نعمان لنگڑیال  نےپرویز الہی سے گفتگو کرتے ہوئے کہا کہ  ہمارا ون پوائنٹ ایجنڈا مائنس بزدار ہے،جس پر چودھری پرویز الہی نے  کہا کہ سیاست برداشت کا کھیل ہے جذباتی ہونے کا کوئی فائدہ نہیں ہے۔، سیاسی صورتحال دیکھ کر اور باہمی مشاورت سے آگے بڑھیں گے۔

ذرائع کے مطابق  پرویز الہی کے پوچھنے پر ترین گروپ نے آئندہ وزیر اعلی کےلئے ممکنہ ناموں پر بھی بات کی۔ نعمان لنگڑیال  نے کہا کہ  آپ سے ہونے والی ملاقات کی تفصیلات جہانگیر ترین کے سامنے رکھیں گے۔

ذرائع نے بتایا ہے کہ  ممکنہ ناموں میں سے علیم خان کا نام بھی وزیر اعلی پنجاب کے لئے ملاقات میں سامنے آیا،  علیم خان کا نام سنتے ہی پرویز الہی نے خاموش اختیار کرلی،۔پرویز الہی نے جہانگیر ترین کی خیریت دریافت اور نیک خواہشات کااظہار کیا۔ ذرائع  کا کہنا ہے کہ  جہانگیر ترین کی چودھری برادران سے آئندہ دو روز بعد اسلام آباد میں ملاقات متوقع ہے۔