نوازشریف اور آصف زرداری نے اراکین کے ضمیر خریدنے کا آغاز کیا:فواد چودھری

وفاقی وزیراطلاعات فواد چوہدری کا پریس کانفرنس کرتے ہوئے کہنا تھا کہ اپوزیشن کی کوئی کوشش کامیاب نہیں ہوگی، ماضی میں عدم اعتماد میں نوٹوں کی بوریاں کھولی گئیں۔

انہوں نے کہا کہ مولانا فضل الرحمان نے پہلے 93 میں مفادات لیے، سب سے پہلے ڈیزل کے پرمٹس مولانا فضل الرحمان نے لیے تھے۔

ان کا کہنا تھا کہ ایک ننھا منا لیڈر ننھا منا مارچ لے کر اسلام آباد پہنچا۔ انہوں نے کہا کہ جو ہماری زبان نہیں بول سکتے وہ لوگوں کو کیا سمجھا سکیں گے؟

فواد چودھری نے کہا ہے کہ ندیم افضل کو کہا تھا کہ پیپلزپارٹی میں شامل ہونے سے بہتر ہے کانگریس میں شامل ہوں، سندھ کے این ایف سی کا پیسہ پانی کی طرح بہایا گیا۔

ان کا مزید کہنا تھا کہ عمران خان نے رضاکارانہ طور پر اسمبلی سےاعتماد کا ووٹ لیا، اسپیکر سے کہہ رہے ہیں کہ جلد از جلد عدم اعتماد کے معاملے کو اسمبلی میں لائیں۔