پنجاب میں مزید ناراض ارکان اسمبلی کا  جہانگیر ترین سے رابطہ ، بھرپور حمایت کی یقین دہانی

ذرائع کا کہنا ہے کہ  ترین گروپ سے مزید ناراض ممبران اسمبلی کا رابطہ ہوا ہے، 6 ارکان اسمبلی جلد ترین گروپ میں شمولیت کا اعلان کریں گے۔

ذرائع کے مطابق  6 ارکان اسمبلی  نے جہانگیر ترین سے ٹیلی فونک رابطہ کیا اور ناراض ارکان اسمبلی نے جہانگیر ترین کو بھرپور حمایت کی یقین دہانی کرا دی  ہے،  وزیرا علی عثمان بزدار سے ناراض 6 ارکان اسمبلی   جمعہ کے روز ترین گروپ سے ملاقات کریں گے۔

دوسری جانب  ترین گروپ کے سرگرم رہنما سلمان نعیم نے بیان   میں کہا ہے کہ  حکومت سے بہت سے اراکین جہانگیر ترین سے رابطے میں ہیں ،  تحریک انصاف کے ساتھ مائنس بزدار کے بعد ہی بات ہوگی ،  ترین گروپ پہلے سے زیادہ مضبوط ہوگیا ہے۔