پاکستان علاقائی وعالمی امور میں چین کے کردار کو اہمیت دیتا ہے:آرمی چیف

پاک فوج کے شعبہ تعلقات عامہ ( آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ سے چین کی ناظم الامور مسز پینگ کی ملاقات ہوئی جس میں دفاعی تعاون، سی پیک کی پیش رفت، خطے کی سیکیورٹی صورتحال پر تفصیلی بات چیت کی گئی۔

آئی ایس پی آر کے مطابق ملاقات میں چینی ناظم الامور نے سی پیک منصوبوں کی سیکیورٹی کے خصوصی اقدامات پر آرمی چیف کا شکریہ ادا کیا جبکہ چینی ناظم الامور برائے پاکستان نے سی پیک کی پیش رفت پر اطمینان کا اظہار بھی کیا۔ 
اس موقع آرمی چیف نے پاکستان علاقائی و عالمی امور میں چین کے کردار کو اہمیت دیتا ہے،چین کے ساتھ دوطرفہ تعلقات کے فروغ کے خواہاں ہیں۔

آرمی چیف جنرل قمر جاوید باجوہ نے مزید کہا کہ امن و استحکام کے لیے خطے کے تمام ممالک کو مل کر کام کرنا چاہیے۔