تحریک عدم اعتماد کے دن ایوان میں صرف ایک رکن شریک ہو، حکومتی وزراء کی تجویز

ذرائع کے مطابق اسپیکر اسد قیصر کی رہائش گاہ پر حکومتی وزرا کا اہم مشاورتی اجلاس ہوا، اجلاس میں وفاقی وزراء نے بھی شرکت کی، اجلاس میں  

تحریک عدم اعتماد کے معاملے پر تفصیلی مشاورت اور حکمت عملی پر تبادلہ خیال کیا گیا۔

ذرائع کا کہنا ہے کہ  حکومتی وزرا نے جلد قومی اسمبلی کا اجلاس بلانے کا تجویزدی ہے۔اجلاس میں تجویز دی گئی کہ  تحریک عدم اعتماد کے دن قومی اسمبلی ایوان میں حکومت کا صرف ایک رکن شریک ہو، ووٹنگ والے دن حکومتی ارکان کو اجلاس میں نہ جانے کی ہدایات جاری کی جائیں۔

ذرائع کے مطابق ارکان نے تجویز دی کہ  آرٹیکل 63 اے کے تحت  منحرف حکومتی ارکان کو ووٹ ڈالنے کی اجازت نہیں دی جانی چاہیے، ووٹنگ والے دن پارلیمنٹ میں آنے والے حکومتی ارکان کیخلاف چیئرمین تحریک انصاف سپیکر قومی اسمبلی کو ریفرنس کے حوالے سے خط بھی تحریر کریں۔