بھگونت سنگھ مان بھارتی پنجاب کے نئے وزیراعلیٰ

نئی دہلی: اروند کیجریوال کی قیادت میں عام آدمی پارٹی کے  اب پنجاب میں بھی حکومت بنانے کے امکانات ہیں مختلف ایگزٹ پول سے پتہ چلتا ہے کہ عام آدمی پارٹی پنجاب میں بھی اقتدار میں آئے گی۔ اور بھگونت مان پنجاب کے نئے وزیراعلیٰ ہوں گے ۔

 کانگریس اور اکالی دل سے اقتدار چھینتے ہوئے عام آدمی پارٹی  اقتدار میں آئے گی۔ ایگزٹ پول کے مطابق عام آدمی پارٹی (اے اے پی) پنجاب میں سب سے بڑی پارٹی بن کر ابھرے گی۔ ای ٹی جی ریسرچ کے اندازوں کے مطابق عام آدمی پارٹی پنجاب میں سب سے بڑی پارٹی بن کر ابھرے گی۔ AAP کو 117 اسمبلی سیٹوں میں سے 70 سے 75 سیٹیں جیتنے کا اندازہ لگایا گیا ہے ۔

انڈیا ٹوڈے کے اکزٹ پول کے مطابق  اروند کیجریوال کی پارٹی پنجاب میں 76 سے 90 سیٹیں جیت سکتی ہے۔ نیوز ایکس پول کے مطابق عام آدمی پارٹی کو 56 سے 61 سیٹیں ملنے کا امکان ہے۔

 کیجریوال کی پارٹی 62 سے 70 سیٹیں جیت لے گی۔ اس طرح تمام سروے عام آدمی پارٹی کے اقتدار میں آنے کی پیش قیاسی کررہے ہیں۔ 

پنجاب کانگریس کے صدر نوجوت سنگھ سدھو نے عوامی طور پر شکست مانتے ہوئے کہا کہ عوام کی آواز، خدا کی آواز ہے۔ ساتھ ہی انہوں نے عام آدمی پارٹی کو مبارکباد بھی دی۔ ریاست پنجاب کے اگلے وزیراعلی بھگونت سنگھ مان ہوں گے.

The voice of the people is the voice of God …. Humbly accept the mandate of the people of Punjab …. Congratulations to Aap !!!

— Navjot Singh Sidhu (@sherryontopp) March 10, 2022