حکومتی اتحادیوں ایم کیو ایم اور ق لیگ کے درمیان ملاقات کی اندرونی کہانی سامنے آگئی

ذرائع کے مطابق لیگی وفد اور ایم کیو ایم رہنماوں کے درمیان ملاقات ختم ہوگئی ہے،ملاقات میں موجودہ صورتحال پر تفصیلی تبادلہ خیال کیا گیا ہے۔

ذرائع کا کہنا ہے کہ اتحادیوں نے اس بات پر اتفاق کیا ہے کہ ہمیں اپنے سیاسی فیصلے سوچ سمجھ کر کرنے چاہیے۔ 

ذرائع کے مطابق ملاقات میں یہ بھی کہا گیا ہے کہ حکومت کے اپنے ہی اراکین ان سے نالاں ہیں، جبکہ تحریک انصاف کے اپنے اراکین کو ابھی تک راضی نہیں کیے گیا۔

ذرائع کا کہنا ہے کہ اتحادیوں کی گفتگو میں کہا گیا ہے کہ حکومت کو تاخیر سے فیصلے کرنے سے نقصان ہو رہا، اپوزیشن کے دعوے سچ ثابت ہو گئے تو اتحادیوں کو بھی منہ کی کھانی پڑے گی،اپوزیشن جماعتوں کا تحریک کی کامیابی کا انحصار حکومتی ناراض اراکین پر ہے۔  

ذرائع کے مطابق ایم کیو ایم نے ق لیگ کو گزشتہ روز کی وزیراعظم سے ملاقات بارے بھی آگاہ کیا۔