’پی ٹی آئی کے10سے12ارکان اپوزیشن کی سیف کسٹڈی میں ہیں‘

تفصیلات کے مطابق  اسپیکر پنجاب اسمبلی اور مسلم لیگ ق کے رہنما چودھری پرویزالہٰی کا کہنا ہے کہ کل والے بیان پر قائم ہوں، شہبازشریف سے فون پر بات ہوئی،ابھی ملاقات نہیں ہوئی ہے۔

پرویزالہٰی نے کہا کہ  جہانگیر ترین گروپ مائنس بزدار کی بات کررہا ہے۔ پی ٹی آئی کے10سے12ارکان اپوزیشن کی سیف کسٹڈی میں ہیں، بی اے پی،ایم کیو ایم کا جھکاؤ فی الحال اپوزیشن کی طرف ہے۔انہوں نے کہا کہ  ہماری مشاورتی عمل جاری ہے۔ پرانا فیصلہ ابھی برقرار ہے،نئے فیصلے کیلئے ملاقاتیں ہورہی ہیں،عمران خان چودھری شجاعت کی عیادت کرنے گھر آئے تھے۔

چودھری پرویزالہٰی کا کہنا تھا کہ  نیب نے مونس الہٰی کو کلیئر قرار دیا، پی ٹی آئی ترجمان آف دی ریکارڈ کہتے ہیں ہمارے پاس نیب اورایف آئی اے ہے۔ان کا کہنا تھا کہ شیخ رشید مشرف دور میں اسپیکر قومی اسمبلی بننا چاہتے تھے، تصادم میں حکومتوں کا نقصان ہوتا ہے،شیخ رشیدوزیراعظم کو مشورہ دیں تصادم سے نقصان ہوگا، شیخ رشید کو ہر چیز کی جلدی ہوتی ہے۔