عثمان بزدار کیخلاف بھی تحریک عدم اعتماد جلد لائے جانےکا امکان

ذرائع کا کہناہےکہ  وزیراعلیٰ پنجاب عثمان بزدار کےخلاف بھی تحریک عدم اعتماد جلد لانےکا امکان ہے۔

ذرائع کے مطابق  متحدہ اپوزیشن کے رہنماؤں نے  پنجاب اسمبلی سیکرٹریٹ سے رابطہ کیا ہے، تحریک عدم اعتماد کا طریقہ کار جاننےکے لیےمعلومات لی جارہی ہیں۔

یاد رہے کہ گذشتہ دنوں ن لیگ کے رہنما حمزہ شہباز ماڈل ٹاؤن لاہور میں جہانگیر ترین کی رہائش گاہ پہنچے تھے جہاں انہوں نے ترین گروپ کے اراکین سے  سیاسی مستقبل  پر گفتگو کی تھی۔

ذرائع کے مطابق ترین گروپ کے اراکین کا کہنا تھا کہ وہ ذہنی طور پر حکومت سے علیحدگی کے لیے تیار ہیں۔