ملک میں کورونا مثبت کیسز کی شرح 1فیصد سے بھی کم

تفصیلات کے مطابق ملک میں کورونا وائرس کے یومیہ کیسزاور اموات  میں  مسلسل کمی دیکھنے میں آرہی ہے ۔  نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  پاکستان  میں گزشتہ 24 گھنٹوں کے دوران 7مریض انتقال کرگئے   جس کے بعد اموات کی مجموعی تعداد 30ہزار 326 ہوگئی ہے ۔

گزشتہ 24 گھنٹوں کے دوران 183کیسز رپورٹ ہوئے  جس کے بعد کورونا کیسز کی مجموعی تعداد 15 لاکھ 20ہزار 817  ہوگئی ہے ۔ 

ملک میں گزشتہ24گھنٹوں میں کوروناکے28ہزار544ٹیسٹ کیےگئے ہیں ۔ 

این سی اوسی کے مطابق  ملک بھرمیں کورونا ایکٹو کیسز کی تعداد16ہزار 875ہوگئی ، گزشتہ24گھنٹوں میں788 افرادکوروناسےشفا یاب ہوئے  ہیں جبکہ  اب تک14لاکھ73ہزار616 مریض  کورونا سےصحت یاب ہوچکےہیں۔

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔