سیالکوٹ : گیریژن کے قریب گولہ بارود کے شیڈ میں آگ بھڑک اٹھی

سیالکوٹ گیریژن کے قریب اسلحے کے گودام میں حادثاتی طور پر آگ لگ گئی۔

پاک فوج کے شعبہ تعلقات عامہ آئی ایس پی آر کی جانب سے جاری بیان میں کہا گیا ہے کہ اسلحے کے گودام میں حادثاتی طور پر آگ لگنے سے کوئی جانی نقصان نہیں ہوا۔

آئی ایس پی آر کے مطابق گولہ بارود کے شیڈ میں شارٹ سرکٹ کے باعث آگ لگی، مؤثر اور بروقت کارروائی سے آگ پر قابو پالیا گیا ہے۔