بھارتی بنگالی فلموں کےاداکار ابھیشک چیتر جی انتقال کر گئے

بھارتی میڈیا رپورٹس کے مطابق چیتر جی کے اہل خانہ نے بتایا کہ وہ ایک ریئلٹی شو کی شوٹنگ میں حصہ لینے کے دوران بیمار ہو گئے تھے۔

بعد ازاں انہیں ان کی شہزادہ انور شاہ روڈ والی رہائش گاہ پر سیلائن پلایا گیا تاہم وہ دل کا دورہ پڑنے کی وجہ سے انتقال کر گئے۔

واضح رہے کہ اداکار 1980 کی دہائی کے آخر اور 1990 کی دہائی کے اول میں بنگالی فلم انڈسٹری کی سرکردہ شخصیات میں سے ایک تھے۔

انہوں نے 1986 سے اپنے فلمی کیریئر کا آغاز کیا اور کئی مشہور بنگالی فلموں میں اپنی شاندار اداکاری کے جوہر دکھائے۔